Saregune garapen komunitarioko zentroa da, Vitoria-Gasteizko alde zaharrean dagoen topagune honetatik bertatik teknologien erabilera askea eta doakoa sustatzen dugu, auzoko eta hiriko gizartearen eta komunitatearen dinamizazioa lortzeko erremintak diren aldetik.

Teknologia hurbildu nahi diegu pertsonei, halaber, auzoko taldeei zein gizarte ekimenei lagundu nahi diegu abantailak baliatzen, eta era berean, informaziorako eta komunikaziorako sarbidea sustatu nahi dugu.

Horretarako ikastaroak, lantegiak eta laguntza teknologikoa eskaintzen dizugu; hartara “mundu digital” honetan moldatzen ikasiko duzu.

·         Dohainik, guztiz

·         Kode irekiko teknologian edo Software askean oinarriturik

·         Dinamizatzaileek etengabeko laguntza emango dizute

Kasuz kasu lan egiten dugu, Zehar-Errefuxiatuekin lan egiten dugun pertsonen garapen integrala sustatzeko. Pertsona guztiak beren prozesuaren protagonistak izatea sustatzen dugu, berreraikitzen ari diren bizitza berrian.

Arabako Foru Aldundiarekin sinatutako hitzarmena, hiru erakundek parte hartzen dutena: Bitartean Jolasean, Zehar Errefuxiatuekin eta Accem. Nazioarteko babesa eskatzen duten adingabeekin eta landa-eremuko migratzaileekin jarduerak egiten dira, eta, horri esker, inguruko ohiko gizarte-, kultura- eta hezkuntza-dinamiketan parte har dezakete.

Eragile-sarea osatzen duten erakundeek laguntza eta kontaktuak ematen dituzte udalerrietan.

Aurreikusitako jardueren artean, honako hauek nabarmentzen dira:

-Eskola-laguntzako eskolak, adin-taldeen arabera banatuta.

-Beren udalerrietatik paseatzea, beste kolektibo batzuek egin ditzaketen jarduerekin bat eginez.

-Inguruko lekuetarako txangoak.

-Jolasak kalean.

-Ipuin kontalaria.

-Sukaldaritza-tailerrak.

-Arteterapia eta dantza tailerrak.

-Zinema eta/edo animazio tailerra.

-Eskaut eta aisialdiko taldeekin urtean zehar parte hartu ahal izatea.

-Kirol-jarduerak, bereziki nerabeei zuzendutakoak.

-Adingabeen familiekin dinamikak sortzea, efektu biderkatzailea lortzeko.