Home > Proyectos > #Komunikatu_ON. Hezkuntza proiektu interkulturala

Proiektuak

#Komunikatu_ON. Hezkuntza proiektu interkulturala

Deskribapena

#Komunikatu_ON zurrumurruak, estereotipoak eta aurreiritziak zalantzan
jartzen dituen kultur aniztasuneko hezkuntza proiektua da. Ikasgelan ikusentzunezko baliabideak erabiliko ditugu pentsamendu kritikoa landu eta garatzeko.
Gogoeta eragin, kulturaniztasuna, generoa eta berdintasuna txertatu elkarrizketan,
inguratzen gaituen askotariko aniztasunaren inguruko sentsibilizazioa landu eta gizarte eraldaketarako parte-hartzera animatu nahi ditugu gazteak.


Helburua

Lan egingo da:

Komunikazio konpetentzia: entzuteko eta adierazteko gaitasunetan
ahalduntzea.
Informazioan eta hedabideetan konpetentzia: ikus-entzunezko
baliabideak eta Internet modu kritikoan aztertzea, eskaintzen dituzten
edukiak modu etiko eta arduratsu batez erabiltzeko.
Konpetentzia soziala eta hiritartasuna: zurrumurruak, estereotipoak,
aurreiritziak eta generoak sortzen dituen ezberdintasunak landuz,
elkarbizitza positiboa eta gatazkaren ebazpenaren alde egitea,
beharrezkoak dituzten baliabideak eskainiz eta pentsamendu kritikoa
garatu eta indartuz.


Jarduerak
Proiektuaren urratsak: Aurretiko elkarrizketak ikasleek dituzten aurreiritziak, estereotipoak eta iruditeria sozialak ezagutzeko. Estereotipoen, aurreiritzien eta errealitatea distortsionatzen duten mekanismoen inguruan gogoeta egiteko tailerra. Komunikabideen azterketa kritikoa (telebista, prentsa, sare sozialak…). Tailer batean diskurtso hegemonikoak aniztasuna nola aurkezten duen ikusiko dugu. Gogoetara bideratzen duen eta jarduera egokien adibideak azaltzen dituen tailerra. Gazteek ikus-entzunezko edukiak ekoizteko tailer boluntarioa. Aurretik landuriko saioetan ikusitakoarekin, eginiko gogoetekin eta ikasitakoarekin ikasleek genero ikuspegia eta kultur aniztasuna txertatzen dituzten edukiak sortuko dituzte. Amaierako solasaldiak, ikusi eta ikasitakoaz hausnartzeko.
Tokia
Renteria, Hernani, Donostia, Tolosa, Zarautz
Kolektiboak

DBH 3. eta 4.go ikasleak


Iraupena
Ordu bat tailer bakoitzeko
Harremanetarako
SOS Racismo Gipuzkoa

Paseo Zarategi 100, Txara I
Donostia (Gipuzkoa)
tel: 943 321811

Konektatu

Lotutako proiektuak

Honen arabera sailkatu

Kategoriak