Genitalak mutilatzeko arriskuan dauden emakumeen kasuak antzematen eta egoera horri aurre egiten irakatsi osasun arloko langileei eta gizarte zerbitzuetakoei. Hori da Emakundek eta Osakidetzak sortu duten gidaren helburua. Atzo aurkeztu zuten, Bilbon, mutilazioari buruzko prestakuntza jardunaldiak aprobetxatuta. Herrialde zehatz batzuetako ohitura da mutilazioa. Familien jatorria lurralde horietan dagoen mila neska inguru bizi dira Araba, Bizkai eta Gipuzkoan.