Zukaldatu eta Entreamigos-LagunArtean taldeek antolatutako azoka hontan, Euskal Herriko hainbat kooperatibak hartuko dute parte: Goiener, Antxitxiketan, Arrigorriaga Bizieskola, Maitelan…

Hausnarketarako eta ikaskuntzarako gune bat izango da, lurraren defentsan eragina duten esperientziak trukatuko dira; eta iraunkortasun ekologikoaren defentsan emakumeen bizipen erresilienteen aniztasuna ezagutarazteko espazioa sortu nahi dugu.

Mahai inguruan, Lurraldearen defentsaz eta emakumeek kolapso ekologikoaren aurrean duten erresilientziaz hitz egingo dute HITZEZ Elkartea eta Isabel Hernández Castro emakume Guatemaldarrak.