Batzen gaituenari buruz hitz egiteko lekua: zailtasunak, zalantzak, nostalgiak, afektu kaltegarriak, baina baita poza, kemena, helburu berriak eraikitzeko moduak eta amets berriak harrera hirian.

Gure familia eta kulturetatik jasotako jakintza propioak partekatzeko aukera. Baina baita iritsi garen tokiko ikaskuntza berriak partekatzeko ere.

Saio bakoitzak migrazioek dakartzaten erronkak pertsonalki eta profesionalki bizi izan dituzten bideratzaileak izango ditu.

Espazio bat:
• laguntza eta sororitatea bermatzeko.
• ditugun eskubideak eta baliabideak ezagutzeko.
• gure osasun fisikoa eta emozionala hobetzeko.
• geure burua zaintzeko.